Vann ögn lengur í dag, dreif mig svo heim og í ræktina, svo þegar ég var komin með Melkorku skelltum við okkur í búðina og versluðum smá inn að borða og litla skottið fer að fara bráðlega í rúmið.

   Þessa vikuna er ég búin að vera að sjá um innri vefinn og ytri vefinn, eða það sem viðkemur SÍ en ég er semsagt orðinn varamaður fyrir þann sem sér um þetta og var hann í smá fríi en kemur aftur á morgun.  Þannig að þegar hann er veikur eða í fríi þá á ég að sjá um þetta á meðan fyrir hann, og gekk þetta bara allt áfallalaust fyrir sig en ég fékk smá sýnikennslu hvernig allt virkaði fyrir hádegi á mánudag og var hann svo farinn eftir hádegi

   Svo nálgast jólaglöggið í vinnunni hjá mér, en það verður sameiginlegt hjá SÍ og TR og verður haldið á Rauðará föstudaginn 4 desember og er bara komin góð skráning, alla vega hjá SÍ en ætla að fara að koma skottunni í rúmið og svo borða vonandi bráðlega kvöldmat með Hilla og svo má ég bara ekkert borða fyrr en eftir ca. 9 á morgun en ég á víst að fasta þangað til ég er búin í blóðprufunni þannig ég fer svöng í bæinn

   Þá er ný mánuður byrjaður í vinnunni, er alltaf frá 16. til 15. hvers mánaðar þannig að ég ætti að fara að geta farið oftast í ræktina og stefni ég á að fara þangað eftir vinnu í dag, tek bara þetta venjulega á þetta.  Vinn svona rétt yfir 4 og dríf mig svo af stað.  Núna er bara stefnan að fara niður í næstu tölu, mega ánægð að hafa ekki farið upp í næstu tölu fyrir ofan þótt ég hafi farið svona lítið undanfarið 3 vikur en spurning hvað vigtin segir í dag

   En helgin er að baki og var hún bara mjög góð, á laugardaginn fór Hilli að vinna en við Melkorka gerðum okkur tilbúnar og skelltum okkur í íþróttaskólann kl 11 og lögðum svo af stað í bæinn um 12 leytið en þar fórum við saman að borða og hittum svo Hilla og skelltum okkur í tvær búðir og eftir það var brunað í Grindavík þar sem Melkorka svo gisti.  Við fórum svo öll saman á einum bíl í bæinn og hittum þar Hilla og fórum út að borða á Fridays og skelltum okkur í bíó á eftir á myndina 2012, sem er reyndar alveg heilir 2,5 tímar en samt góð mynd, var fullt í bíóinu og við náðum 6 sætum saman í næst fremstu röð þannig við vorum kannski heldur nálægt en sáum þá bara myndina á undan öðrum

   Komst loksins aftur smá í ræktina í gær en kemst þá 1 sinni í þessari viku eins og hinar 2 vikurnar á undan en það eykst vonandi næstu viku, þá ætti vonandi allt aftur að fara í rétt far aftur.  En það var rosalega notalegt í ræktinni í gær enda voru bara svona temmilga margir, jaaa eða fáir skal segja, vorum oftast held ég um 4 þarna inni og maður getur þá oftast svona dundað sér eins og maður vill, komst líka strax á bretti og sjónvarpsstöðvarnar stilltar á eitthvað skemmtilegt, fer kannski að prufa bráðlega að nota headphone aftur á bretti og sjá hvort ég haldi áfram að fá stuð í eyrað eins og gerðist alltaf fyrir nokkrum árum.

   Það er svo sundið í kvöld hjá mér og Melkorku og hún bíður alveg spennt eftir því að fara með nýju sundgleraugun sín en ég ætla að vinna þangað til ég þarf að bruna af stað og ná í hana og fara með hana í sundið þannig ég verð alla vega um klukkutíma í viðbót hér og allir aðrir eiginlega farnir.

   Svo á laugardaginn förum við systur ásamt köllum út að borða og í bíó, ætlum að sjá myndina 2012 en hinsvegar er enn óljóst með matinn, er svona verið að komast að stað til að fara á, höfum nú alveg nærri 2 daga til þess   Við Melkorka munum því bruna í Grindavík eftir íþróttaskólann á laugardaginn, næst síðasti tíminn hjá henni.

   Enn ein vikan komin af stað og nóvember flýgur alveg áfram, eins og er farið svo að sjást á mörgum stöðum þá nálgast jólin líka óðfluga.  Tókum líka smá tiltekt í gær að henda drasli út og fannst eitt og annað skemmtilegt sem maður hafði bara enga hugmynd af en ennþá finnst hinsvegar ekki boltinn eða skrúfan til að festa sætið á þrekhjólið mitt   Meira segja þótt rúmið væri tekið út úr herberginu þannig þetta er einhversstaðar annarsstaðar í húsinu og finnst vonandi á endanum annars þarf ég að reyna að redda þessum á öðrum stað.  Sama er að segja með blessaðan klósettlykilinn sem hvarf fyrir mööööörgum mánuðum síðan og hefur ennþá ekki fundist en allir aðrir lyklar eru á réttum stað en passa ekki í klósetthurðina

   Það var lítið um ræktina í síðustu viku eins og vikuna þar á undan, komst bara einu sinni í báðum þessum vikum og svo sé ég ekki frammá að komast oft í þessari viku.  Ég þarf að hafa þessa viku til að vinna upp það sem ég er í mínus til að ná sléttum mánuði hérna í vinnunni, aðeins svona kom ruglingur á kerfið hjá mér þegar Katrín sem nær í Melkorku var veik í nokkra daga þannig að ég gat ekkert unnið lengur þá né farið í ræktina og er það fljótt að telja, næ líka að mæta misjafnlega fljótt á morgnana en þetta reddast allt á endanum, tek vonandi bara í næstu viku miklu meira á því í ræktinni

   Í gær þegar ég var í vinnusímanum þá hringir gemsinn minn og sé ég að það er spítalinn að hringja, en þar sem ég var að tala við manneskju vinnutengt þannig ég gat nú ekki svarað í gemsann en svo þegar ég var loks búinn var gemsinn hættur að hringja.  Þannig ég hringi nú tilbaka til að sjá hvort sú í afgreiðslunni gæti nokkuð vitað afhverju það var verið að hringja í mig en þá hringir akkúrat gemsinn aftur þannig ég þakka bara konunni fyrir og svara í gemsann og var þá spurt hvort ég héti ekki Svanhildur og væri mamma hennar Melkorku, fékk alveg áfall fyrst þar sem ég hélt kannski að eitthvað hefði komið fyrir en þá var bara verið að færa tímann í svínaflensusprautuna og fékk ég tíma í dag, það er að segja í morgun þannig Melkorka er bara búin að fá sprautuna og þarf ekki að fara aftur

   Í gær á heimleið þegar ég var að nálgast Ártúnsbrekkuna þá er einhver svaka æstur á eftir mér sem vill greinilega fara frammúr, eftir smá tíma fer hann að hamast á flautunni og liggur á henni og veifar öllum höndum útí lofitð en ég var nú svo svaka góð að halda mínum hraða, alveg á hámarkshraðanum enda sé ég hvar löggan var í brekkunni og ætlaði bara að sýna þessum manni góðverk, reyndar svona eftir á þá sá ég nú bara eftir því að hafa ekki sveigt frá og láta þennan fyrir aftan gefa í og vera þá böstaður á staðnum   En góðverkið hafði víst yfirhöndina, á reyndar til að hægja bara á ef einhverjir láta svona á eftir mér ef ég er alveg á meira en hámarkshraða svona innanbæjar, get verið svo skemmtileg

   Árni Gísli var svo í bænum í gær og ætlaði ég að reyna að hitta á hann en það heppnaðist ekki betur en það að ég bara missti af honum, fór aftur norður í morgun þannig það gengur bara vonandi betur næst.....

   Fyrsti nóvember er bara kominn í hús og þetta ár er líka bara alveg að verða búið, ótrúlegt hvað tíminn líður   Og þessi helgi er líka að baki en ég skellti mér í bæinn í gær að hitta stelpurnar, stefnan var að gista hjá Gullu en endaði svo bara á því að gista hjá Auði.

   Melkorka hefur svaka gaman af því að stinga útidyralyklinum núna í skránna en ég þarf oftast að snúa honum fyrir hana.  Núna í vikunni þá tekur hún lykilinn og setur hann í og ég sný og labba inn með henni og svo bara lokum við.  Það reyndar vildi svo ekki betur til heldur en að ég bara gleymdi að taka lykilinn með mér þannig hann var úti í skránni þangað til Hilli kom heim ca 1-2 tímum síðar

   Við Melkorka fórum svo að baka saman köku í dag, hún nefnilega fékk þá flugu í hausinn í morgun að hún vildi baka köku þannig ég fór með henni í það þegar ég kom heim og bökuðum við skúffuköku, meira segja ótrúlegt en satt þá fékkst hún til að smakka 1-2 bita en át ekkert meira af henni, hefur aldrei borðað skúffukökur eða aðrar súkkulaðikökur, eða oftast bara kökur yfir höfuð.....

   Jæja maturinn tilbúinn þannig ég ætla að fara að skella mér í það að borða og svoddan, fangavaktin fer líka að byrja bráðlega.

   Vala er í mat núna en fer að koma úr honum þannig ég er alveg að komast að borða enda er ég alveg glorsoltin, átti ekkert epli til að fá mér áðan en ég hef verið að reyna að borða oftar yfir daginn, eða um 5 sinnum eins og er mælt með þannig fæ mér smotterí eins og epli eða svoleiðis á milli máltíða hérna í vinnunni

   Skrapp í ræktina í gær en Katrín pössunarpía er víst veik þannig ég bruna og næ í Melkorku í dag, get því ekki unnið lengur en hún var reyndar veik í gær líka, gleymdi bara að láta mig vita af því en það fattaðist svona á þeim tíma sem átti að ná í Melkorku þannig það reddaðist og Katrín náði að bruna og ná í hana.

   Svo er það flensusprautan hjá Melkorku á fimmtudag þannig ég mæti aðeins seinna í vinnuna, fékk tíma fyrir hana kl 09:40 og svo er bara að sjá hvernig hún tekur sprautunni, margir eru víst að illt þar sem var sprautað og örugglega bara misjafnt hvernig fólk tekur þessu.  En tekið eftir síðustu daga að það er byrjað smá að kurra eða hún svona farin að hósta þannig það er greinilega að koma vetur, er oftast laus við "astmann" yfir sumartímann en það er vonandi að þetta vaxi svo bara alveg af henni með tíð og tíma.

   Guðrún Katrín er hjá okkur í pössun og eru þær frænkur saman uppí Melkorku rúmi en Melkorka er steinsofnuð en Guðrún er enn vakandi en ætti nú örugglega að fara að detta út bráðlega enda fóru þær báðar í íþróttaskólann í morgun.

   Ég komst svo bara tvisvar í ræktina í þessari viku og svo er týnt stykkið í þrekhjólið mitt hér heima til að festa sætið þannig ekki get ég farið að hjóla á því   Þarf að fara að reyna að gera betri leit og sjá hvort ég finni þetta ekki einhversstaðar, örugglega skrollað undir rúm en sýndist það ekki vera þar þegar ég kíkti þar undir í fljótheitum og Melkorka segist ekkert vita hvar það er.

   Eva kom svo hér í dag og þreif smá svo að það geti orðið hreint hér heima án þess að vikan sé eyðilögð fyrir mér, bara spurning hvort það verði þannig hjá Evu því hún lenti í einum árekstri í fyrra en hún fór alla vega gangandi út þannig svona í fljótheitum sýndist þetta vera í lagi   En vonandi með áframhaldandi ferðum í ræktina þá fari allt að styrkjast hjá mér, reyni að taka bakæfingar með lóðum og fyrir axlir og brjóstvöðva líka þannig með tíð og tíma fer ég kannski að þola þrifin hér heima....

   Á morgun eftir vinnu og ræktina þá skellum við mæðgur okkur í fyrsta sundtímann á námskeiði nr. 5 en það er víst komið að því að læra sundtökin núna.  Reyndi að útskýra fyrir Melkorku að hún væri að fara að læra að synda en þá svaraði hún bara nett tilbaka að hún kynni alveg að synda, en hefur samt ekkert á móti því að fara í sundið.  En ég stefni þá að vinna til um 4, bruna svo á Selfoss í ræktina og vera þar svona milli ca 5-6 og svo drífa mig heim og ná í skottuna og vera mætt í sundið korter í 7.

   Ég held áfram að vera dugleg og mæta 2-3svar í viku í ræktina, eða eftir því hvað ég kemst oft.  Síðustu viku komst ég bara tvisvar og þá er að sjá hvort ég nái þrisvar þá í þessari viku.  Ég hef náð einhverju smá af mér en þetta gengur hægt en hefur þó gengið eitthvað.  Þannig núna er bara stefnan að komast niður í næstu tölu en ég er svona á línunni að fara niður í hana, tek eina tölu í einu

   Var svo að prufa að gera nýjar æfingar í ræktinni með lóð, fyrir axlarvöðva og svo aðrar fyrir brjóstvöðva og held það sé því að kenna að ég sé miklu verri þessa vikuna heldur en td þá síðustu, man ekki eftir að ég hafi verið að gera neitt öðruvísi en vanalega undanfarið svona dagsdaglega, enda er sjúkraþjálfarinn í fríi á föstudag þannig hentar að ég sé verri   Skelli mér bara í ræktina á eftir og geri þessar æfingar aftur og sé hvernig ég verð, verður örugglega betra á endanum nema ég loksins fái mér þennan tíma sem ég á rétt hjá þjálfara og láti sýna mér hvað ég eigi að gera og hvað ekki....

   Kemur helgi og hún búin og ný vinnuvika framundan.  Þessi helgi hefur bara verið frekar róleg, vorum bara heima og skelltum okkur í íþróttaskólann á laugardag með Melkorku sem finnst þetta alltaf jafn gaman.  Réðst svo í herbergð með Melkorku áðan og náðum aðeins að taka smá til þannig lítur nú eitthvað betur út þar núna heldur en það gerði, endist örugglega alveg fram á morgundaginn

   Ég er svo að fara að byrja í sundinu á fimmtudag með Melkorku, stefni þá alltaf á að fara í ræktina á undan og svo ná í skottuna og skella mér með hana í sund þannig fimmtudagar ættu alveg að vera vel pakkaðir hjá mér og Melkorka dauðuppgefin enda er sundið korter í 7 og verður örugglega aldrei þá komin heim fyrr en um 8 leytið.

   Var bara aðeins að kíkja í tölvuna, ætla svo að sjá hvort ég nenni að þvo eina vél í viðbót eða bara láta það nægja sem ég hef gert, fer allt eftir því hvernig útifatastaðan er hjá Melkorku fyrir leikskólavikuna